تم تھوڑے سے آدمیوں کی دعا سے ایسا پہاڑ جڑ سے اکھڑگیا‘ تمہارے بادشاہ جو ظلم کرتے ہیں‘ اسی باعث خلق کی بددعا سے ان کی عمر نہیں بڑھتی
عبدالمجید‘ فیصل آباد

ترکستان کے ایک بادشاہ نے ایک ایلچی کے ساتھ دس آدمی دے کر ہندوستان کے راجے کو لکھ بھیجا کہ ہمیں معلوم ہواہے کہ ہند کی زمین میںکوئی ایسی چیز پیدا ہوتی ہے جس کے کھانے سے انسان کی زندگی بڑھ جاتی ہے‘ اسی لیے ہندوستان کے رئیس درازعمر ہوتے ہیں۔ راجے نے خط پڑھتے ہی ایلچی اور ا س کے ہمراہیوں کو قلعہ سنگیں بلند کے نزدیک لے جا کر کہا:’’جب تک یہ کوہ گر نہ پڑے تمہیں رخصت نہ کروں گا اور جواب بھی اس خط کا نہ دوں گا‘‘ وہ لوگ ناچار اسی پہاڑکے تلے خیمے ایستادہ کروائے اور شب و روز بارگاہ الٰہی میں دعا کرتے کہ یااللہ! اس پہاڑ کو گرا دے! اتفاقاً زلزلہ آیا اور اس قلعہ سنگین کی فصیل ٹوٹ پڑی۔ تب اس وکیل نے راجے کو اطلاع کی‘ راجا نے کہا: ’’تم تھوڑے سے آدمیوں کی دعا سے ایسا پہاڑ جڑ سے اکھڑگیا‘ تمہارے بادشاہ جو ظلم کرتے ہیں‘ اسی باعث خلق کی بددعا سے ان کی عمر نہیں بڑھتی۔‘‘